Non ikusten dut nire ahotsa?

Egia esan, niri komunikazio munduan gehien gustatzen zaidana idaztea da.

Hala ere, irratian lan egiteko aukera izango banu, nire burua berri-emaile bezala ikusiko nuke. Orduro ematen diren albistegi horietan aritzea izango litzateke hobekien egingo nukeena.

Emma García

Gaur egungo telebistan, nire ustez, aurkezleak orokorrean oso onak dira. Hizkuntza egokia erabiltzen dute, euren gidoiak behar bezala prestatzen dituzte...

Hala ere, betidanik gehien gustatu zaidan aurkezlea Emma García izan da.

Ikusi nuen lehenengo aldiz, ETB2-n zegoen, "Esta es mi gente" programa aurkeztuz. Egia esan, programa ez zitzaidan asko gustatzen, baina Emmak eramateko modua bikaina iruditzen zitzaidan eta horrek ni telebista aurrean mantentzea lortzen zuen. Bestelako programetan ere, momenturik latzenei aurre egiteko gaitasuna izan du, horrela aurkezle ezinhobeagoa izanez.

Hasi zenetik ez da momentu bat ere gelditu eta hori benetan goresgarria iruditzen zait. Berak duen meritu propioengatik lortu du lortutako guztia (hainbat TP de Oro). Kazetaritzako munduan dauden postu txikienetatik gorenetara igaro da, eta ziur nago merezitako bidea izan dela.

Nola igo daiteke zure musika edo audioa internetera?

Irrati eta Telebista irakasgaian egin behar dugun lehenengo ataza zera da: audio-grabazio bat burutzea.

Hau egiteko, audacity programa erabili dezakegu eta hori egin eta gero, artxiboa Blog honetara igo behar dugu.

Baina, nola igo dezakegu? Lehenik eta behin, internetera igo behar dugu eta ondoren hemen helbidea jartzeko aukera izango genuke.

Hemen dago nik aurkitu dudan modu bat:

https://www.imeem.com/signup/

Helbide horretan sartu eta erregistratuz gero, musika edo audioa igo edota jaisteko aukera dago. Hortik, beraz, nahi den audioaren URL-a edo helbidea sartzen da hemen eta besteek gure berriaren grabazioa entzuteko aukera izango lukete.

Hau da nik igo dudan abesti bat:

http://www.imeem.com/people/-Jy0GBP/music/G1yoD_m3/usher-babyface-cater-to-you-destinys-child-tribute/

Teleprompterrak

Hemen duzue teleprompterrak, hau da, teleberritan eta programa askotan erabiltzen diren irakurtzeko pantailak, lortzeko modu bat:

http://www.cueprompter.com/

Helbide honetan, online praktikatu dezakezue, testua idatziz edota beste nonbaitetik itsatsiz.

Hala ere, teleprompterra dohainik jaisteko aukera ere badago. Helbide hauetan aurkitu daitezke batzuk:

http://www.download3k.com/MP3-Audio-Video/Video-Utilities-Codecs/Download-Prompt-teleprompter.html

http://www.freedownloadmanager.org/downloads/teleprompter_software/

Second Life-ko konferentzia eta ekintzak

Lehenengo eta hirugarren irudiak berdinak dirudite, baina ez da hala.

Lehendabizikoa country nola dantzatzen jakiteko egin den kurtsoa da eta hirugarrena aldiz, denbora pasatzeko disco, party leku bat.

Bigarrena eta laugarrena serioagoak direla esan genezake.

Bigarrena Star Trek Museum of Science lekutik hartutako argazki bat da.

Azkena dagoena, bideo-konferentzia arrunt bat da, weblearnen dagoenaren antzekoa. Honek astro eta gauza zientifikoei buruz hitz egiten du, ingelesez.

Bi aldiz pentsatzeko iragarkiak

Gaur, gure irakasle Gorka Palaziok kontaktuetako iragarki bat erakutsi digu.

Eta galdera izan da: komunikazioan dirua lortzeko modu egokia da ala legeren bat jarri beharko litzateke hori debekatzeko?

Nire ustez, gai oso eztabaidagarria da, baina, kontuan izan behar dira bi gauza.

Alde batetik, komunikabideek interes asko dituzte edonolako iragarkiekin, bai kontaktuenak eta baita kotxeenak ere, zeren, azken batean, jaten ematen dieten gauzak horiek direlako.

Beste alde batetik, bertan lan egiten dutenak, pentsatzen dut, guztizko eskubidea dutela beraien zerbitzuak iragartzeko.

Beraz, bi gauza hauek kontuan hartuta, bien arteko nahasketa perfektua da, alde biak irabazten ateratzen baitira.

Baina benetako arazoa hau da: umeei zer esplikatuko diegu gurasoek egunero irakurtzen duten egunkarian horrelako irudiak ikusten badituzte?

Honekin esan nahi dudana da, nik ez nukeela iragarki mota hauek debekatzeko legerik jarriko; baina bai hartuko nituzke kontuan edozein lekutan jartzeak sortzen dituen ondorioak.